370 millur í aðgangseyri að brunaútsölunni...

Hann er séður hann Bjarni Ármannsson, það verður ekki af honum tekið. 

Núna segist hann hafa keypt sér 370 milljóna syndakvittun hjá skilanefnd Glitnis.  Þessa kvittun hyggst hann eflaust nota sem aðgöngumiða að brunaútsölunni miklu þegar hún hefst hér á Fróni. 

Það eru að verða síðustu forvöð fyrir Bjarna Ármannsson að tryggja sér vinnufrið við ávöxtun eftirstandandi fjármuna sinna við kaup af því gnægtarborði. 

Fyrirtæki hér, útgerð þar, auðlindir hér, einkaleyfi þar, fjölmiðil hér og kannski ...1 stk banki þar.

Svei honum. 

Réttast væri að heimta af honum vegabréfið (ókeypis), og setja síðan í lög að hann og hans nótar verði gert óheimilt að eignast örðu af nokkrum sköpuðum hlut hér á landi, nema gegn nokkurra tuga milljarða fyrirframgreiddu og óendurkræfu tryggingargjaldi í ríkissjóð. 

Síðan má ræða lausnargjad fyrir vegabréfið og í framhaldinu, hvernig verðleggja skuli búsetuleyfi hans.

Hann kunni ekki að skammast sín þegar hann hirti féð og kann það enn síður nú þegar hann skilar skiptimyntinni.

Endurgreiddi 370 milljónir