Hóprúnk Sigmundar Ernis fyrir bí...

Ekki syrgi ég það að klippt var á útsendinguna.  Sigmundi hefði verið nær að bjóða einhverjum öðrum en þessum þjóðnýðingum sem mættir voru (og ekki mættir), t.a.m. þeim sem mest hafa haft sig í frammi fyrir hönd fólksins að undanförnu. 

Þetta lið er búið að gera nóg og tala nóg.

Veriði viss, þegar útsendingu var hætt, þá saknaði þeirra engin.  Engin. 

Mín samúð er öll með mótmælendum, ég er stoltur af þeim og vildi að ég hefði verið í bænum og á svæðinu....

Fólk slasað eftir mótmæli

Athugasemdir

[bjabjon (IP-tala skráð) 31.12.2008 kl. 16:11]

Ég saknaði þeirra, þetta var flottur þáttur og Sigmundur er skarpur spyrill. Þú getur ekki sagt að enginn hafi saknað þeirra

[óli (IP-tala skráð) 31.12.2008 kl. 16:12]

Hver ert Þú að tala fyrir mig? Kannski langaði mig að horfa á Þetta?

[Bo (IP-tala skráð) 31.12.2008 kl. 16:14]

Mér finnst þetta vera orðið too much að eyðileggja sjónvarpsþætti til að gera hvað???? Bara til að mótmæla því ekkert annað var hægt að gera í dag? Mér finnst þessi lýður til háborinnar skammar... þetta eru einhverjir aumingjar sem hafa ekkert annað og betra að gera en að eyðileggja og skemma eignir landsmanna... henda þessu pakki í steininn og sjá hvernig þeim líður þar í nokkra mánuði...

Gleðilegt nýtt friðsamt ár...

[Baldur (IP-tala skráð) 31.12.2008 kl. 16:15]

Aukaatriði hver vill eða vill ekki horfa á.  Aðgerðirnar voru ofbeldisfullar og skemmdar eignir.  Slíkt gerir bara óþjóðalýður.  Við viljum ekki slíkt á okkar fallega landi.  Svona ruslaralýð á að senda úr landi.  Amsterdam, flestir vildu eflaust vera þar...

[Jón Haukur Sigtryggsson (IP-tala skráð) 31.12.2008 kl. 16:18]

  'Eg saknaði þeirra líka.  En það er skrifað runk en ekki "rúnk". Læra stafsetningu!

[Heimir Tómasson, 31.12.2008 kl. 16:20]

Senda þetta lið til Palestínu. Það virðist hafa lært aðferðirnar þaðan.

[Hjalti Garðarsson, 31.12.2008 kl. 16:20]

Mótmælendurnir skemmdu kannski fyrir milljón eða tvær.

Stjórnmálahyskið í þættinum skemmdi fyrir hundruði ef ekki þúsundir milljarða.

Hvern á svo að loka inni?

[Hildur (IP-tala skráð) 31.12.2008 kl. 16:21]

Er bara ekki komin tími fyrir þá sem kostnir voru til að stjórna að hlusta á lýðin sem kaus þá?

Þið klúðruðu málunum og við treystum ykkur ekki lengur!

Hvað þarf til að fá ykkur til að skilja að við viljum ykkur burt? Þið hafið enn ekki sagt okkur hvernig þið ætlið okkur að borga brúsann. Allt það sem þið hafið lofað að borga getum við ekki borgað á þeim tími sem þið hafið samþykkt. Hættið að ljúga að okkur.

Guð blessi Ísland.

[Ólafur Jónasson (IP-tala skráð) 31.12.2008 kl. 16:36]

Nú er ég aldeilis hlessa. Hef fylgst með mótmælum undanfarnar vikur þar sem eggjakast og svo þetta í dag er aðal málið. Ég stend frammi fyrir því að mín fjölskylda þarf að borga milljónir eftir sviðna jörð fjárglæframanna. Auk þess þurfa mín barnabörn að taka á sig versnandi lífskjör í framtíðinni. Við erum ekki að tala um neinar smá upphæðir. Skuldir ríkissjóðs og íslenskra fyrirtækja í erlendri mynt eru nálægt 9000 milljörðum króna. Hvenær segjum við komið nóg og sláumst í hóp þess fólks sem hefur drifið mótmælin áfram. Eða sitjum við bara heima sem og endranær eins og lúbarðir hundar. Hvenær er komið nóg. Tek ofan fyrir fólkinu í dag.

[Jóhann H (IP-tala skráð) 31.12.2008 kl. 16:41]

Þetta fólk sem þarna var mætt hefur beint eða óbeint, meðvitað og ómeðvitað, með yfirveguðum hætti og sumir hverjir með fullkomnum ásetningi, lagt framtíð þjóðarinnar í rúst.  Allt fyrir einhverja augnabliks stundarhagsmuni, bæði pólitíska og fjárhagslega.

Þeir sem þarna sátu, hafa allir sem einn orðið berir að því að vera bitlingapólitíkusar.  Allir fyrir eigin hag en hinir sem aðstöðu hafa haft til, einnig fyrir sína flokkshagsmuni og sína nánustu vildarmenn. 

Allt á okkar kostnað.  Svo er okkur boðið upp á þetta rúnk. 

Þið munið skilja mína afstöðu betur á nýja árinu þegar mannfallið hefst.  Við munum sjá á eftir mörgu góðu fólki, sumir munu falla fyrir eigin hendi, aðrir taka hatt sinn og staf og yfirgefa andið fyrir fullt og fast.  

Eina leiðin til að snúa frá þessari óhjákvæmilegu þróun er sú að þetta fólk sem nú telur sig hafa umboð okkar til að stjórna, skili því til okkar strax. 

Svona þáttur gerir ekkert nema styrkja það í trúnni á eigið ágæti sem verk þeirra hafa nú sannað að er ekki lengur til staðar. 

Persónulega, þá hefði mér flökrað við þá sjón að sjá þetta lið skála fyrir sjálfu sér og framtíð þjóðarinnar í lok þáttarins, eins og venjan er. 

Er ég viss um að þá hefði skíturinn fyrst lent í viftunni. 

Því er ég kannski fegnastur að svo fór ekki.

[Ómar Ragnarsson, 31.12.2008 kl. 16:58]

Fjölmiðlun er forsenda nauðsynlegra skoðanaskipta og upplýsingagjafar til þess að raunverulegt lýðræði geti þrifist. Lýðræðið er gallagripur eins og öll mannanna verk og fjölmiðlarnir eru það líka en samt megum við ekki án þeirra vera.

Borgarafundir og mótmælafundir sem útvarpað og sjónvarpað er frá ótruflað er nauðsynleg fjölmiðlun.

Fólkið í mínum flokki er ósátt við það óréttlæti kosningalaga að meina okkur að fá fulltrúa á Alþingi í samræmi við atkvæðamagn og þar með meinuð þáttaka íí þáttum eins og Kryddsíld og við höfum mótmælt því harðlega. Til þess höfum við fengið tækifæri í gegnum fjölmiðla.

Áhrifaríkustu mótmælendur sögunnar, Martin Luther King og aðrir hafa ekki svo ég viti til látið hendur skipta til að koma í veg fyrir útvarps- eða sjónvarpssendingar eða ráðist á tæknifólk fjölmiðla til að koma í veg fyrir að aðrir fengju að tjá sig.

Nú þarf að gæta sín. Eins ótrufluð og bein fjölmiðlun og unnt er að viðhafa er forsenda lýðræðis.

Mótmælendur hafa verið á Austurvelli í allt haust og því mátti búast við að þeir yrðu það enn og aftur og létu heyra í sér nú sem fyrr.

Þeir gerðu það að sjálfsögðu og þar með komust þau skilaboð til skila sem túlkuðu óánægju tugþúsunda Íslendinga.

Ef þetta var of mikil truflun mátti segja að forráðamenn Stöðvar tvö hefðu mátt segja sér það að betra væri að sjónvarpa frá Kryddsíldinni á öðrum stað.

Ef útsendingunni hefði verið hægt að halda áfram án þess að ráðast á tæknibúnað og tæknifólk útsendingarinnar hefðu skilaboðin um reiði og óánægju fólks og gjána milli ráðamanna og þjóðarinnar komist til skila.

Niðurstaða: Eins ótrufluð og bein fjölmiðlun og unnt er að framkvæma er slík forsenda lýðræðis að án hennar getum við ekki verið að mínum dómi.

Það er best fyrir alla aðila, jafnt ráðamenn sem mótmælendur.

[Jóhann H. (IP-tala skráð) 31.12.2008 kl. 17:56]

Takk fyrir innlitið Ómar. Mér er heiður að því. 

Ég er í flestu sammála þér um fjömiðlana og lýðræðið.  Ég vil þó benda á ábyrgð fjömiðla, ábyrgð fjórða valdsins í lýðræðisskipulagi.  Margir hafa bent á að í aðdraganda hrunsins, hafi fjölmiðar okkar brugðist, þeir hafi í grófum dráttum verið viðhlæjendur, ekki gagnrýnendur.  Þeirra ábyrgð er mikil og vandmeðfarin.  Þeir geta stjórnað umræðunni og þeim er ætlað að spegla samfélagið. 

Hefði þor og dugur ráðið för, hefði gagnrýnin hugsun ráðið för, þá hefðu stjórnendur þessa þáttar átt að sýna manndóm sinn í því að kalla aðra að borðinu en þetta lið sem nú hefur kúðrað málum.  Gefa því bara langt nef.  Þeir hefðu átt að líta í þjóðarspegilinn og reyna að skynja sitt hlutverk og sinn vitjunartíma.  Bregða út af vananum. 

Ég hefði lyft brúnum og fylgst andaktugur með umræðunni ef þú eða fulltrúar þíns flokks, ásamt kannski, Herði Torfa, Láru Hönnu, Agli Helga og fleirum setið þarna.  Rætt málið, farið yfir stöðuna og síðast en ekki síst, barið okkur hinum í brjóst til að efla okkur í því að mæta áskorunum komandi árs.  Nei, þess í stað var bara boðið upp á sama vaðalinn, réttlætinguna og afsakanirnar. 

Það var bara nóg komið af því. 

Í ljósi þessa ættu fjölmiðlar okkar að fara í ærlega naflaskoðun (séu þeir færir um það) og kanna vandlega hvað klikkaði.  Það skyldi þó ekki vera val þeirra á viðmælendum?  Það er kominn tími til að rödd ykkar sem sannarlega berið enga ábyrgð en hafa ábyrgar skoðanir og kannski lausnir, fái meiri athygli. 

Ég vona allavega að sú verði útkoman úr atburðum dagsins. 

Að lokum vil ég óska þeim sem ómakað hafa sig við að lesa þetta blogg, gleðilegs nýs árs og farsældar á komandi ári.  Okkur veitir ekki af.